فوتو: dhs.gov
اقش-تىڭ ىشكى قاۋىپسىزدىك مينيسترلىگى «ەڭ قاۋىپتى قىلمىسكەرلەر» دەپ سيپاتتالعان شەتەل ازاماتتارىنىڭ ءتىزىمىن جاريالادى. بۇل تىزىمدە قازاقستاننان شىققان ءۇش ادام بار، دەپ حابارلايدى "ادىرنا".
مينيسترلىكتىڭ رەسمي سايتىندا اقش-تىڭ يمميگراتسيالىق جانە كەدەندىك پوليتسياسى (ICE) تاراپىنان ۇستالعان ەڭ قاۋىپتى شەتەلدىك قىلمىسكەرلەر بولەك كورسەتىلگەن.
ء«مينيستردىڭ ورىنباسارى نوەمنىڭ باسشىلىعىمەن DHS پەن ICE قىزمەتكەرلەرى پرەزيدەنت دونالد ترامپ بەرگەن ۋادەلەردى ورىنداپ، ەڭ الدىمەن اسا قاۋىپتى قىلمىسكەرلەردەن، سونىڭ ىشىندە زاڭسىز يمميگرانتتاردان باستاپ جاپپاي دەپورتاتسيا جۇرگىزىپ جاتىر»، - دەلىنگەن ۆەدومستۆو مالىمدەمەسىندە.
تىزىمگە ەنگەن قازاقستان ازاماتتارىنىڭ بىرەۋى الاباما شتاتىنداعى برۋكۆۋد قالاسىندا ۇستالىپ، شابۋىل جاساۋ جانە ۇرلانعان مۇلىكتى يەلەنۋ قىلمىستارى ءۇشىن سوتتالعان. ەكىنشىسى فلوريدا شتاتىندا ۇرلىق جاساعانى ءۇشىن ۇستالعان. ءۇشىنشى ازامات ورەگون شتاتىندا قارۋ قولدانىلعان شابۋىل دەرەگى بويىنشا قاماۋعا الىنعان.
