يران بيلىگى ورمۋز بۇعازى ارقىلى وتەتىن كەمەلەرگە قاتىستى جاڭا مالىمدەمە جاسادى. يراننىڭ سىرتقى ىستەر ءمينيسترى ابباس اراگچي بۇعاز بارلىق ەلدەردىڭ كەمەلەرى ءۇشىن اشىق ەكەنىن، الايدا اقش پەن ونىڭ وداقتاستارىنىڭ كەمەلەرىنە شەكتەۋ قويىلعانىن ايتتى، دەپ حابارلايدى "ادىرنا".
ءمينيستردىڭ ايتۋىنشا، يران ايماقتاعى بىرقاتار مەملەكەتتەرمەن ديپلوماتيالىق بايلانىستارىن جالعاستىرىپ وتىر. اتاپ ايتقاندا، كاتار، ساۋد ارابياسى، ومان جانە كورشىلەس ەلدەرمەن بايلانىس ساقتالعان.
سونىمەن قاتار، اراگچي قاۋىپسىزدىك جاعدايىنا بايلانىستى كوپتەگەن كەمەلەر ورمۋز بۇعازى ارقىلى وتۋدەن ۋاقىتشا باس تارتۋى مۇمكىن ەكەنىن اتاپ ءوتتى.
بۇعان دەيىن يسلام رەۆوليۋتسياسى ساقشىلار كورپۋسى ورمۋز بۇعازى ماڭىندا بىرنەشە مۇناي تانكەرىنە سوققى جاسالعانىن حابارلاعان ەدى.
ايتا كەتەيىك، ورمۋز بۇعازى الەمدەگى مۇناي تاسىمالىنىڭ نەگىزگى باعىتتارىنىڭ ءبىرى سانالادى. سوندىقتان بۇل ايماقتاعى قاۋىپسىزدىك جاعدايى حالىقارالىق ساۋدا مەن ەنەرگەتيكالىق نارىققا تىكەلەي اسەر ەتۋى مۇمكىن.
