26 قاڭتاردا ءفيليپپيننىڭ وڭتۇستىگىندەگى ارال ماڭىندا 350-دەن استام ادام مىنگەن پاروم سۋعا باتىپ كەتتى، دەپ حابارلايدى «ادىرنا» ءتىلشىسى Associated Press-كە سىلتەمە جاساپ.
كەمە زامبوانگا پورتتىق قالاسىنان سۋلۋ پروۆينتسياسىنداعى دجولو ارالىنا باعىت العان بولعان. جاعالاۋدى كۇزەت قىزمەتىنىڭ الدىن الا مالىمەتىنە سۇيەنسەك، اپاتقا تەحنيكالىق اقاۋلار سەبەپ بولۋى مۇمكىن. الايدا كۇزەت كومانديرى رومەل دۋا بۇل وقيعانىڭ ناقتى سەبەبى ءالى انىقتالماعانىن، تەرگەۋ جۇرگىزىلەتىنىن ايتتى. ونىڭ سوزىنشە، كەمە زامبوانگا پورتىنان شىقپاي تۇرىپ تەكسەرىلگەن جانە ارتىق جۇككە بايلانىستى ەشقانداي بەلگى انىقتالماعان.
قۇتقارۋشىلاردىڭ كەمەدەن كەمىندە 316 جولاۋشىنى امان الىپ قالعانى جانە 15 ادامنىڭ دەنەسىن تاپقانى ايتىلدى.
ۇقساس جاڭالىقتار
