وزبەكستان پرەزيدەنتى شاۆكات ميرزيوەۆ تاشكەنت قالاسىندا World Boxing حالىقارالىق فەدەراتسياسىنىڭ پرەزيدەنتى گەننادي گولوۆكيندى قابىلدادى. بۇل تۋرالى ۇلتتىق وليمپيادالىق كوميتەت مالىمدەدى، دەپ حابارلايدى "ادىرنا".
مالىمەت بويىنشا، رەسمي كەزدەسۋ بارىسىندا تاراپتار وليمپيادالىق بوكستى دامىتۋ، حالىقارالىق ىنتىماقتاستىقتى نىعايتۋ جانە ارىپتەستىك اياسىن كەڭەيتۋ ماسەلەلەرىن تالقىلادى.
گەننادي گولوۆكين وزبەكستاننىڭ الەمدىك بوكستاعى ستراتەگيالىق ماڭىزىنا ەرەكشە توقتالىپ، ەلدىڭ ازيا ايماعىندا بوكستى دامىتۋعا بەلسەندى ۇلەس قوسىپ كەلە جاتقانىن، سونداي-اق الەمدىك جانە قۇرلىقتىق دەڭگەيدەگى جارىستاردى ۇيىمداستىرۋداعى تاجىريبەسىن اتاپ ءوتتى.
كەزدەسۋ كەزىندە تاراپتار ورتاق جوبالاردى ىسكە اسىرۋدىڭ نەگىزگى باعىتتارىن، سپورت نىساندارىن دامىتۋ ماسەلەسىن جانە قۇرلىق كولەمىندە وليمپيادالىق قوزعالىس اياسىنداعى ءوزارا ىنتىماقتاستىقتى جۇيەلەۋ جولدارىن تالقىلادى.
World Boxing فەدەراتسياسىنىڭ باسشىسى جىلى قابىلداۋ ءۇشىن العىسىن ءبىلدىرىپ، حالىقارالىق ۇيىمنىڭ وزبەكستانمەن تىعىز ىنتىماقتاستىقتى جالعاستىرىپ، وڭىردە بوكستى دامىتۋعا باعىتتالعان ورتاق جوبالاردى جۇزەگە اسىرۋعا دايىن ەكەنىن راستادى.
ايتا كەتەيىك، گەننادي گولوۆكين تاشكەنت قالاسىندا جۇمىس ساپارىمەن ءجۇر. بۇعان دەيىن ول ازيا وليمپيادالىق كەڭەسىنىڭ باس اسسامبلەياسىنىڭ وتىرىسىنا قاتىسقان بولاتىن.
