Özbekstan prezidentı Şavkat Mirziioev Taşkent qalasynda World Boxing halyqaralyq federasiiasynyŋ prezidentı Gennadii Golovkindı qabyldady. Būl turaly Ūlttyq olimpiadalyq komitet mälımdedı, dep habarlaidy "Adyrna".
Mälımet boiynşa, resmi kezdesu barysynda taraptar olimpiadalyq boksty damytu, halyqaralyq yntymaqtastyqty nyǧaitu jäne ärıptestık aiasyn keŋeitu mäselelerın talqylady.
Gennadii Golovkin Özbekstannyŋ älemdık bokstaǧy strategiialyq maŋyzyna erekşe toqtalyp, eldıŋ Aziia aimaǧynda boksty damytuǧa belsendı üles qosyp kele jatqanyn, sondai-aq älemdık jäne qūrlyqtyq deŋgeidegı jarystardy ūiymdastyrudaǧy täjıribesın atap öttı.
Kezdesu kezınde taraptar ortaq jobalardy ıske asyrudyŋ negızgı baǧyttaryn, sport nysandaryn damytu mäselesın jäne qūrlyq kölemınde olimpiadalyq qozǧalys aiasyndaǧy özara yntymaqtastyqty jüieleu joldaryn talqylady.
World Boxing federasiiasynyŋ basşysy jyly qabyldau üşın alǧysyn bıldırıp, halyqaralyq ūiymnyŋ Özbekstanmen tyǧyz yntymaqtastyqty jalǧastyryp, öŋırde boksty damytuǧa baǧyttalǧan ortaq jobalardy jüzege asyruǧa daiyn ekenın rastady.
Aita keteiık, Gennadii Golovkin Taşkent qalasynda jūmys saparymen jür. Būǧan deiın ol Aziia Olimpiadalyq keŋesınıŋ Bas assambleiasynyŋ otyrysyna qatysqan bolatyn.
