شىمكەنت قالاسىندا كىسى ءولتىرۋ وقيعاسى تىركەلدى. بۇل تۋرالى قالالىق پد ايتتى، دەپ حابارلايدى «ادىرنا» ءتىلشىسى.
ەر ادام تانىسىنا پىشاق جاراقاتىن سالعان. پوليتسيا دەپارتامەنتى زارداپ شەككەن ايەلدىڭ سول جەردە قازا تاپقانىن مالىمدەدى.
«پوليتسياعا كۋاگەرلەر حابار بەرگەن. كۇدىكتى وقيعا ورنىندا ۇستالدى. ەر ادام ءتارتىپ ساقشىلارىنا قارسىلىق كورسەتكەندىكتەن، زاڭ تالاپتارىنا سايكەس پوليتسيا قىزمەتكەرلەرى وعان قىزمەتتىك قارۋ قولداندى. كۇدىكتى مەديتسينالىق مەكەمەگە جەتكىزىلدى جانە قاماۋعا الىندى»، – دەلىنگەن حابارلامادا.
قازىرگى ۋاقىتتا بولعان وقيعانىڭ بارلىق ءمان-جايىن انىقتاۋعا باعىتتالعان قاجەتتى تەرگەۋ ءىس-شارالارى جۇرگىزىلىپ جاتىر.
ەسكە سالايىق، بۇعان دەيىن شىمكەنتتە 21 جاستاعى نۇراي سەرىكباي تاناسىنىڭ قولىنان قازا تاپقان ەدى. بويجەتكەن 11 پىشاق جاراقاتىن العان. وقيعا بويىنشا قىلمىستىق ءىس قوزعالدى. قىلمىس جاسادى دەگەن كۇدىكپەن 28 جاستاعى شەرحان ايماحان ەسىمدى ەر ادام قاماۋعا الىندى.
