ازەربايجان ءوز اۋماعى مەن اۋە كەڭىستىگىن كورشىلەس يرانعا نەمەسە كەز كەلگەن باسقا مەملەكەتكە قارسى اسكەري وپەراتسيالار جۇرگىزۋ ءۇشىن پايدالانۋعا جول بەرمەيدى. بۇل تۋرالى ەلدىڭ سىرتقى ىستەر ءمينيسترى دجەيحۋن بايراموۆ مالىمدەدى، دەپ حابارلايدى "ادىرنا".
اقپاراتقا سايكەس، ول بۇل ۇستانىمدى يراننىڭ سىرتقى ىستەر ءمينيسترى ابباس اراگچيمەن تەلەفون ارقىلى سويلەسۋ بارىسىندا جەتكىزگەن.
ءمينيستردىڭ ايتۋىنشا، ازەربايجان تاراپى ۇنەمى تاراپتاردى جاعدايدى ۋشىقتىرۋى مۇمكىن ارەكەتتەر مەن مالىمدەمەلەردەن باس تارتۋعا شاقىرىپ كەلەدى. رەسمي باكۋ يراننىڭ ىشىندە نەمەسە اينالاسىندا تۇراقسىزدىق تۋعىزاتىن قادامدارعا قارسى ەكەنىن اتاپ وتكەن.
مالىمدەمە ەكى ەل اراسىنداعى ديپلوماتيالىق بايلانىس اياسىندا جاسالعان.
ۇقساس جاڭالىقتار
