قازاقستاننىڭ رەتتەۋشى ورگاندارى بانكتەر ارقىلى جۇزەگە اسقان اۋدارىمداردى تەكسەرە باستادى، دەپ حابارلايدى "ادىرنا" ۇلتتىق پورتالى.
ترانسشەكارالىق قارجى اۋدارىمدارىنا قاتىستى تەكسەرىس پرەزيدەنتتىڭ تريلليونداعان تەڭگەنىڭ ەلدەن شىعارىلعانى تۋرالى مالىمدەمەلەرىنەن كەيىن باستالعان.
قارجى نارىعىن رەتتەۋ جانە دامىتۋ اگەنتتىگىنىڭ مالىمەتىنشە، اتالعان ماسەلەلەردى قاراۋ ءۇشىن بىرقاتار بانكتىڭ ترانسشەكارالىق وپەراتسيالارى بەلگىلەنگەن تارتىپپەن تەكسەرىلۋدە. تەكسەرىسكە قارجى نارىعىن رەتتەۋ جانە دامىتۋ اگەنتتىگى، قازاقستان رەسپۋبليكاسىنىڭ ۇلتتىق بانكى جانە قارجىلىق مونيتورينگ اگەنتتىگى قاتىسىپ جاتىر.
ۇقساس جاڭالىقتار
