وليمپيادا چەمپيونى سەرىك ساپيەۆ جاڭا قىزمەتكە تاعايىندالدى، دەپ حابارلايدى "ادىرنا" ۇلتتىق پورتالى.
سپورتشى قاراعاندى وبلىسىنىڭ سپورت باسقارماسى باسشىسى قىزمەتىنەن بوساتىلىپ، قازاقستان رەسپۋبليكاسىنىڭ تۋريزم جانە سپورت ءمينيسترىنىڭ شتاتتان تىس كەڭەسشىسى بولىپ تاعايىندالدى.
سونىمەن قاتار، ول جازعى XX ازيا ويىندارىنا دايىندىق شتابىنىڭ سپورتتىق بلوگىن ۇيلەستىرۋ مىندەتىن اتقاراتىن بولدى. بۇل شەشىم "دەنە شىنىقتىرۋ جانە سپورت تۋرالى" زاڭنىڭ جاڭارتىلعان رەداكتسياسىندا كوزدەلگەن روتاتسيا اياسىندا قابىلداندى.
سەرىك ساپيەۆ بۇعان دەيىن پارلامەنت ءماجىلىسىنىڭ دەپۋتاتى بولىپ قىزمەت اتقارعان، سونداي-اق مادەنيەت جانە سپورت مينيسترلىگىندە بىرقاتار جاۋاپتى لاۋازىمداردى مەڭگەرگەن. قازىرگى تاڭدا ول قر ۇلتتىق سۋردوليمپيادالىق كوميتەتىنىڭ پرەزيدەنتى بولىپ تابىلادى.
ايتا كەتەيىك، جازعى ازيا ويىندارى 2026 جىلى 19 قىركۇيەك پەن 4 قازان ارالىعىندا جاپونيانىڭ ايچي جانە ناگويا قالالارىندا وتەدى. ازيادا باعدارلاماسىنا 41 سپورت ءتۇرى ەنگەن.
