قازتاگ حالىقارالىق اقپارات اگەنتتىگى Freedom Finance-ءتىڭ بۇرىنعى توپ-مەنەدجەرى تەمەرلان بەكوۆتىڭ تالاپ ارىزى بويىنشا سوتتا تولىق جەڭىسكە جەتتى، دەپ حابارلايدى "ادىرنا" ۇلتتىق پورتالى اگەنتتىككە سىلتەپ.
سوت شەشىمى بويىنشا بەكوۆ تەمەرلان ءادىلۇلىنىڭ قازتاگ-قا قارسى ارىزى قاناعاتتاندىرىلماي، جاريالانعان ماتەريالداردىڭ شىندىققا جاناسپايتىنى جانە جەكە تۇلعاعا زيان كەلتىرەتىنى تۋرالى تالاپتار قابىلدانبادى. سونداي-اق، سوت بەكوۆتان قازتاگ پايداسىنا وكىلدىك شىعىن رەتىندە 20 مىڭ تەڭگە ءوندىرىلسىن دەپ شەشتى.
ادۆوكات رەنا كەريموۆا سوت شەشىمىنە قاتىستى پىكىر ءبىلدىردى.
«قازتاگ ادۆوكاتتارى وكىلدەردىڭ شىعىندارى رەتىندە 20 مىڭ تەڭگەدەن باس تارتۋدى قاراستىرادى. اپەللياتسيالىق سوتقا شاعىمدانامىز»، – دەپ جازدى.
ەسكە سالساق، بەكوۆ قازتاگ-قا Freedom Finance-ءتىڭ تاعى ءبىر توپ-مەنەدجەرى قىلمىستىق ءىستىڭ ايىپتالۋشىسى اتاندى دەگەن ماقالانىڭ جاريالانۋىنا بايلانىستى شاعىم تۇسىرگەن ەدى. سوتتا قازتاگ مۇددەسىن ادۆوكاتتار رەنا كەريموۆا، ەلەنا جيگالەنوك جانە زاڭگەر نيكا پاسەچنيكوۆا قورعادى.
