سەمەيدە قوقىس جاشىگىنەن جاڭا تۋعان نارەستەنىڭ ءمايىتى تابىلدى. قازىر بۇل وقيعا بويىنشا تەرگەۋ باستالدى. بۇل تۋرالى اباي وبلىسى پوليتسيا دەپارتامەنتى مالىمدەدى، دەپ حابارلايدى "ادىرنا".
اقپاراتقا سايكەس، 3 اقپان كۇنى اۋەزوۆ پوليتسيا ءبولىمىنىڭ كەزەكشى بولىمىنە سەمەي قالاسىندا قوقىس كونتەينەرىنەن سۇلگىگە ورالعان جاڭا تۋعان قىز بالانىڭ مايىتى تابىلعانى تۋرالى حابارلاما تۇسكەن.
«وقيعا ورنىنا جەدەل تۇردە جەدەل-تەرگەۋ توبى كەلدى. العاشقى ءىس-شارالار ءبارىسىندا ۇي جاعدايىندا بوسانعان 20 جاستاعى قىز انىقتالدى. ونىڭ ايتۋىنشا، نارەستە تىرشىلىك بەلگىلەرىنسىز تۋعان»، – دەلىنگەن حابارلامادا.
كۇدىكتىلەر ۇستالدى. ولار بالانىڭ ءتىرى تۋىلماعانىن، ال سترەستەن كەيىن وسىنداي قىلمىسقا بارعاندارىن مالىمدەدى. سونداي-اق سوتقا دەيىنگى تەرگەۋ بارىسىندا نارەستەنىڭ ءمايىتىن كونتەينەرگە تاستاعان قالا تۇرعىنى انىقتالدى.
بۇل فاكت بويىنشا قر قىلمىستىق كودەكسىنىڭ 100-بابى بويىنشا تەرگەۋ باستالدى. نارەستەنىڭ ءمايىتى ساراپتاماعا جىبەرىلدى، ونىڭ ناتيجەلەرى بويىنشا پروتسەسسۋالدىق شەشىم قابىلدانىپ، وقيعاعا قاتىسى بار ەكى تۇلعانىڭ ارەكەتتەرىنە قۇقىقتىق باعا بەرىلەدى.
