“الەم مەديا” پورتالىنىڭ باس رەداكتورى وڭعار قابدەن ءوز فەيسبۋك پاراقشاسىندا سەمەيدەگى ساق ءداۋىرى تۋرالى باياندادى، دەپ حابارلايدى “ادىرنا” ۇلتتىق پورتالى.
سەمەيگە بارعان سايىن ساق داۋىرىنە ساياحاتتاپ، دەمالاتىن ءۇيىن تانىستىردى.
“مىنا ساق داۋىرىندەگى "حان شاتىر" مەنىڭ سەمەيگە بارعاندا دەمالاتىن ءۇيىم. ءۇيدىڭ قوجايىنى شىعىسقا بەلگىلى ەتنوگراف، اقىن، شاڭقوبىزشى، سەگىز قىرلى ءبىر سىرلى جىگىتتىڭ تورەسى سەرالى مۇحامەدسالىقوۆ دەگەن دوسىم”،-دەدى وڭعار قابدەن.
تاريحتى جاڭعىرتىپ، ەل ەسىندە ماڭگى ساقتالۋى ءۇشىن ءىس جۇزىندە تەر توگىپ جۇرگەن دوسى تۋرالى دا ازىلدەپ قويدى.
“التايلىقتاردىڭ ءوزى ءۇش جارىم ساعات قانا ايتا الاتىن قاراقىر اۋەنىمەن (گورلوۆوە پەنيە) سەرالى سەرى سەگىز ساعات ايتىپ، گيننەستىڭ رەكوردتار كىتابىنا ەنگەن.
ءوزىنىڭ ايتۋىنشا، ءۇش جۇلدىزدى "قازاقستان" كونياگىن دارىپتەۋشى. جۇرتتار بۇرىن ءىشىپ، قازىر مولدا بولىپ كەتسە، بۇل جىگىت بۇرىن يمام بولىپ، قازىر ءىشىپ كەتكەن.
سەكەڭ تۋرالى تاڭدى تاڭعا ۇرىپ اڭگىمە ايتۋعا بولادى. ال مىنا ۇيىندە جاتىپ الىپ، وزىنەن اڭگىمە تىڭداعان كەرەمەت”، دەپ جازدى وڭعار قابدەن.
“ادىرنا” ۇلتتىق پورتالى
