2 - ناۋرىز قازاقستاندى حالىقارالىق قاۋىمداستىق قابىلداعان كۇن. وسىدان 32 جىل بۇرىن قازاقستان ەڭ بەدەلدى حالىقارالىق ۇيىم – بىرىككەن ۇلتتار ۇيىمىنا مۇشە بولىپ قابىلداندى، دەپ حابارلايدى "ادىرنا" ۇلتتىق پورتالى.
1992 جىلى بۇۇ باس اسسامبلەياسىنىڭ 46-سەسسياسىنىڭ پلەنارلىق ماجىلىسىندە قر بىرىككەن ۇلتتار ۇيىمىنا مۇشەلىككە قابىلداندى. شەشىم داۋىسقا سالىنباي، ءبىراۋىزدان ماقۇلداندى. قازاقستان رەسپۋبليكاسى بۇۇ-عا مۇشەلىككە قابىلدانعاننان كەيىن، بىردەن تىنىق مۇحيتى جانە ازيا ايماقتارى ەكونوميكالىق جانە الەۋمەتتىك كوميسسيانىڭ مۇشەلىگىنە ءوتتى.
سول جىلى قازاقستان ەۋروپاداعى ىنتىماقتاستىق جانە قاۋىپسىزدىك ۇيىمىنا دا (ەىقۇ) مۇشەلىككە ءوتتى. 1992 جىلدىڭ سوڭىندا قازاقستاندى دۇنيەجۇزىنىڭ 106 مەملەكەتى تانىپ، 61 مەملەكەتپەن ديپلوماتيالىق قاتىناستار ورنادى. ەلىمىز از عانا ۋاقىتتا الەمدىك قاۋىمداستىققا ەنىپ، تانىمال بولۋىنا ونىڭ بۇۇ-نا مۇشە بولۋى ۇلكەن ىقپال ەتتى. قازاقستان جاھاندىق بەيبىتشىلىك پەن ەكونوميكالىق ىنتىماقتاسۋ قۇندىلىقتارىن جاقتايتىن دامىعان الەمدىك قاتىناستار جۇيەسىنە ەندى. بۇۇ-عا مۇشە بولۋ ارقىلى قازاقستان الەمدىك ساياساتتىڭ بارلىق سالالارىنا قاتىسۋعا تولىققاندى مۇمكىندىك الدى.
