قىرعىزستان سۋ تاسقىنىنان زارداپ شەككەندەر قازاقستاندىقتارعا «جاردەم كەرۋەنى» اتتى گۋمانيتارلىق جۇكتىڭ ەكىنشى بولىگىن جىبەرەدى، دەپ حابارلايدى "ادىرنا" ءتىلشىسى Kaktus.media-عا سىلتەپ.
گۋمانيتارلىق جۇك جەرگىلىكتى ءسۇت ونىمدەرىنەن تۇرادى. جالپى جۇكتىڭ سالماعى 144 280 كگ.
بيوايران - 10 000 ل، قايماق - 14280 قاپتاما، سارى ماي - 10 000 ل، وسىمدىك مايى - 10 000 ل، ىرىمشىك - 20 000 كگ، مايسىزداندىرىلعان قۇرعاق ءسۇت - 80 000 كگ.
«گۋمانيتارلىق جۇكتى قىرعىز حالقى جيناپ، قىرعىزستان پرەزيدەنتىنىڭ رەزەرۆتىك قورىنان قوسىمشا قاراجات ءبولدى»، - دەلىنگەن حابارلامادا.
ەسكە سالا كەتەيىك، ءساۋىردىڭ 6-سى كۇنى قىرعىزستان پرەزيدەنتى سادىر جاپاروۆتىڭ تاپسىرماسىمەن توتەنشە جاعدايلار ءمينيسترى 15 فۋرگونعا 300 توننا جۇكپەن «جاردەم كەرۋەنى» گۋمانيتارلىق جۇكتى ۇيىمداستىرىپ، جونەلتكەن بولاتىن. ال ول كومەك قازاقستاننىڭ 4 وبلىسىنا تاراتىلدى.
