2 - naýryz Qazaqstandy halyqaralyq qaýymdastyq qabyldaǵan kún. Osydan 32 jyl buryn Qazaqstan eń bedeldi halyqaralyq uıym – Birikken Ulttar Uıymyna múshe bolyp qabyldandy, dep habarlaıdy "Adyrna" ulttyq portaly.
1992 jyly BUU Bas Assambleıasynyń 46-sessııasynyń plenarlyq májilisinde QR Birikken Ulttar Uıymyna múshelikke qabyldandy. Sheshim daýysqa salynbaı, biraýyzdan maquldandy. Qazaqstan Respýblıkasy BUU-ǵa múshelikke qabyldanǵannan keıin, birden Tynyq muhıty jáne Azııa aımaqtary Ekonomıkalyq jáne áleýmettik komıssııanyń músheligine ótti.
Sol jyly Qazaqstan Eýropadaǵy yntymaqtastyq jáne qaýipsizdik uıymyna da (EYQU) múshelikke ótti. 1992 jyldyń sońynda Qazaqstandy dúnıejúziniń 106 memleketi tanyp, 61 memleketpen dıplomatııalyq qatynastar ornady. Elimiz az ǵana ýaqytta álemdik qaýymdastyqqa enip, tanymal bolýyna onyń BUU-na múshe bolýy úlken yqpal etti. Qazaqstan jahandyq beıbitshilik pen ekonomıkalyq yntymaqtasý qundylyqtaryn jaqtaıtyn damyǵan álemdik qatynastar júıesine endi. BUU-ǵa múshe bolý arqyly Qazaqstan álemdik saıasattyń barlyq salalaryna qatysýǵa tolyqqandy múmkindik aldy.
