“Álem medıa” portalynyń bas redaktory Ońǵar Qabden óz feısbýk paraqshasynda Semeıdegi saq dáýiri týraly baıandady, dep habarlaıdy “Adyrna” ulttyq portaly.
Semeıge barǵan saıyn saq dáýirine saıahattap, demalatyn úıin tanystyrdy.
“Myna saq dáýirindegi "Han shatyr" meniń Semeıge barǵanda demalatyn úıim. Úıdiń qojaıyny Shyǵysqa belgili etnograf, aqyn, shańqobyzshy, segiz qyrly bir syrly jigittiń tóresi Seráli Muhamedsalyqov degen dosym”,-dedi Ońǵar Qabden.
Tarıhty jańǵyrtyp, el esinde máńgi saqtalýy úshin is júzinde ter tógip júrgen dosy týraly da ázildep qoıdy.
“Altaılyqtardyń ózi úsh jarym saǵat qana aıta alatyn qaraqyr áýenimen (gorlovoe penıe) Seráli seri segiz saǵat aıtyp, Gınnestiń rekordtar kitábyna engen.
Óziniń aıtýynsha, úsh juldyzdy "Qazaqstan" konıagyn dáripteýshi. Jurttar buryn iship, qazir molda bolyp ketse, bul jigit buryn ımam bolyp, qazir iship ketken.
Sekeń týraly tańdy tańǵa uryp áńgime aıtýǵa bolady. Al myna úıinde jatyp alyp, ózinen áńgime tyńdaǵan keremet”, dep jazdy Ońǵar Qabden.
“Adyrna” ulttyq portaly
