TikTok-تا "مەنى الىپ قاشتى" دەپ جالعان مالىمەت تاراتقان قىز ايىپپۇل ارقالادى. بۇل تۋرالى الماتى وبلىسىنىڭ قاراساي اۋدانارالىق اكىمشىلىك قۇقىق بۇزۋشىلىقتار جونىندەگى مامانداندىرىلعان سوتى ايتتى، دەپ حابارلايدى «ادىرنا» ءتىلشىسى.
بويجەتكەنگە قاتىستى ءىس اكىمشىلىك قۇقىق بۇزۋشىلىق تۋرالى كودەكسىنىڭ 456-2-بابىنىڭ 3-بولىگى بويىنشا قارالعان.
«2026 جىلعى 15 قاڭتاردا شامامەن ساعات 20:00-دە ازاماتشا ك. «TikTok» الەۋمەتتىك جەلىسىندە وزىنە قاتىستى ۇرلاپ كەتۋ فاكتىسى ورىن العانى جونىندە بەينە جازبانى جاريالاعانى انىقتالدى. اتالعان بەينەجازبا الەۋمەتتىك جەلى پاراقشاسىندا تارالىپ، قىزدى ماجبۇرلەپ نەكەگە تۇرعىزۋ بەلگىلەرى بار بەينەماتەريال رەتىندە ۇسىنىلعان. سوت وتىرىسىندا ازاماتشا ك. ءوز كىناسىن تولىق مويىنداپ، بەينەجازبانى كوپ قارالىم جيناۋ ماقساتىندا سالعانىن، جاساعان ارەكەتىنە وكىنەتىنىن ءتۇسىندىردى»،- دەلىنگەن حابارلامادا.
ءىس ماتەريالدارىن زەردەلەي كەلە، سوت ازاماتشا ك.-نىڭ ارەكەتتەرىندە قىلمىستىق قۇقىق بۇزۋشىلىق بەلگىلەرى جوق، الايدا اكىمشىلىك قۇقىق بۇزۋشىلىق قۇرامى بار دەگەن قورىتىندىعا كەلگەن.
سوت قاۋلىسىمەن ازاماتشا قازاقستان رەسپۋبليكاسىنىڭ اقبتك-ءنىڭ 456-2-بابىنىڭ 3-بولىگى بويىنشا كىنالى دەپ تانىلىپ، 20 ايلىق ەسەپتىك كورسەتكىش مولشەرىندە اكىمشىلىك ايىپپۇل سالىنعان. ازاماتشا ك. اكىمشىلىك قۇقىق بۇزۋشىلىقتى العاش رەت جاساعانى جانە جاساعان ارەكەتىنە وكىنەتىنىن ەسكەرە وتىرىپ، ايىپپۇل سوماسى 30 پايىزعا قىسقارتىلىپ، تۇپكىلىكتى تولەيتىن سوما 60 550 تەڭگەنى قۇراعان.
