مەملەكەت باسشىسى كونستيتۋتسيالىق كوميسسيانىڭ جۇمىسى ناتيجەسىندە جاڭا كونستيتۋتسيا قابىلداۋ تۋرالى شەشىم قابىلدانعانىن ايتتى، دەپ حابارلايدى "ادىرنا" ۇلتتىق پورتالى.
ونىڭ سوزىنشە، كوميسسيا وسى ۋاقىتقا دەيىن 10 وتىرىس وتكىزىپ، تۇزەتۋلەردىڭ كوپتىگىن ەسكەرە وتىرىپ، اتا زاڭعا جەكەلەگەن وزگەرىستەر ەنگىزۋ جەتكىلىكسىز دەگەن ورتاق بايلامعا كەلگەن.
پرەزيدەنتتىڭ ايتۋىنشا، قاڭتار ايىندا جاڭا كونستيتۋتسيانىڭ العاشقى نۇسقاسى جاريالانىپ، بۇل باستاما قوعامدا ۇلكەن قىزىعۋشىلىق تۋدىرعان. قازىرگى تاڭدا ازاماتتار قۇجاتتىڭ ءتۇرلى باپتارىن بەلسەندى تۇردە تالقىلاپ جاتىر. بۇل قوعامنىڭ ساياسي مادەنيەتى مەن بەلسەندىلىگىنىڭ ارتقانىن كورسەتەدى.
مەملەكەت باسشىسى ء«ارتۇرلى كوزقاراس – ءبىرتۇتاس ۇلت» جانە «پليۋراليزمگە – اشىقپىز، ەكسترەميزمنەن – قاشىقپىز» قاعيداتتارىنىڭ ماڭىزىن اتاپ ءوتىپ، مۇنداي ۇستانىمدار قوعامدىق ديالوگتىڭ دامۋىنا جانە ەلدىڭ تۇراقتى ىلگەرىلەۋىنە جول اشاتىنىن جەتكىزدى.
سونداي-اق پرەزيدەنت جۇرتشىلىق نازارىنا مۇلدە جاڭا قۇجات ۇسىنىلىپ وتىرعانىن ايتىپ، بۇل كونستيتۋتسيا قازاقستاننىڭ ساپالىق تۇرعىدان جاڭا دامۋ دەڭگەيىنە كوتەرىلگەنىن ايقىندايتىنىن مالىمدەدى.
