پرەزيدەنت قاسىم-جومارت توقاەۆ بەلگيانىڭ ۇلتتىق كۇنىنە وراي كورول فيليپپكە قۇتتىقتاۋ جەدەلحاتىن جولدادى، دەپ حابارلايدى "ادىرنا" ۇلتتىق پورتالى.
بۇل تۋرالى اقوردانىڭ ءباسپاسوز قىزمەتى حابارلادى.
مەملەكەت باسشىسى ءوز جەدەلحاتىندا ۇلتتىق كۇننىڭ بەلگيا حالقىنىڭ بىرلىگى مەن ىنتىماعىن ايشىقتايتىن ماڭىزدى مەرەكە ەكەنىن اتاپ ءوتتى. سونداي-اق پرەزيدەنت قازاقستاننىڭ بەلگيا كورولدىگىمەن قالىپتاسقان دوستىق قارىم-قاتىناستى ودان ءارى دامىتۋعا ەرەكشە ءمان بەرەتىنىن جەتكىزدى. ونىڭ ايتۋىنشا، جۋىردا بريۋسسەلگە جاسالعان رەسمي ساپار ەكىجاقتى ىنتىماقتاستىقتى جاڭا دەڭگەيگە كوتەرۋگە ىقپال ەتكەن.
مەملەكەت باسشىسى قاسىم-جومارت توقاەۆ كورول فيليپپكە جاۋاپتى مەملەكەتتىك قىزمەتىندە تابىس تىلەپ، بەلگيا حالقىنا بەيبىتشىلىك، باق-بەرەكە جانە ءوسىپ-وركەندەۋ تىلەدى.
ۇقساس جاڭالىقتار
