رەسەيلىك Slaughter to Prevail مەن پولشالىق Behemoth توبىنىڭ تۇركياداعى كونتسەرتتەرى ارتىستەردىڭ بەينەلەرى مەن ساحنالىق وبرازدارىنا بايلانىستى توقتاتىلدى. بۇل تۋرالى تاسس اگەنتتىگى جازدى، دەپ حابارلايدى «ادىرنا» ءتىلشىسى.
ەكى كونتسەرت تە ىستانبۇلداعى Zorlu PSM ونەر ورتالىعىندا ءوتۋى ءتيىس ەدى. رەسەيلىك مۋزىكانتتار ساحناعا 10 اقپاندا شىعۋى كەرەك بولسا، پولشالىق توپ كەلەسى كۇنى ونەر كورسەتەدى دەپ جوسپارلانعان.
شەشىمنىڭ قابىلدانۋىنا جەرگىلىكتى بەلسەندىلەر تاراپىنان بولعان جاعىمسىز پىكىرلەر سەبەپ بولعان.
«ولاردىڭ وبرازدارى ءبىزدىڭ قوعامدىق قۇندىلىقتارىمىزعا ساي كەلمەگەندىكتەن، تەرىس رەاكتسيا تۋدىردى. Zorlu PSM اۋماعىندا كونتسەرتتەر، فەستيۆالدەر جانە باسقا دا ءىس-شارالاردى وتكىزۋگە ەكى كۇنگە تىيىم سالىنادى»، — دەپ مالىمدەدى اۋدان اكىمدىگى.
الاڭ وكىلدەرىنىڭ ايتۋىنشا، بيلەت ساتىپ العان كورەرمەندەرگە قاراجات ستاندارتتى ءتارتىپ پەن شارتتار بويىنشا قايتارىلادى.
