شوقان ءۋاليحانوۆ اتىنداعى تاريح جانە ەتنولوگيا ينستيتۋتىندا «رەپرەسسيروۆاننىە باي كازاحستانا (نا وسنوۆە ارحيۆنىح ماتەريالوۆ ي ۆوسپوميناني). ينفورماتسيوننو-سپراۆوچنوە يزدانيە» اتتى ەڭبەك جارىق كوردى، دەپ حابارلايدى «ادىرنا» ءتىلشىسى.
ينستيتۋت مالىمەتىنشە، تۋىندى دەمەۋشىلەردىڭ كومەگىمەن 1000 دانا بولىپ شىققان.
«بۇل قۇندى جانە وتە سيرەك كەزدەسەتىن ەڭبەك پرەزيدەنتى ءارحيۆى، اباي اتىنداعى قازۇپۋ جانە ش.ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ بىرىككەن جوباسى اياسىندا جاسالدى. بۇل جيناقتا 1920 جىلدارداعى «كىشى قازان» ساياساتى بارىسىندا قازاق اۋىلدارىن كەڭەستەندىرۋ ناۋقانى كەزىندەگى كامپەسكەگە ءىلىنىپ، 1930 جىلدارى قۋعىن-سۇرگىنگە ۇشىراعان بايلاردىڭ ءومىربايانىنان انىقتاما بەرىلەدى»،- دەلىنگەن حابارلامادا.
باسىلىمعا سول كەزەڭدەگى اقمولا، اقتوبە، الماتى، گۋرەۆ، قارقارالى، قىزىلوردا، قوستاناي، پاۆلودار، پەتروپاۆل (قىزىلجار), سەمەي، سىرداريا، ورال وكرۋگتەرىنەن شىققان 1800-گە جۋىق بايدىڭ ءتىزىمى جانە قىسقاشا اقپارات جاريالانعان.
«باسىلىمدى قۇراستىرۋشىلار بۇنىمەن بارلىق بايلاردىڭ ءتىزىمىن قامتىدىق دەپ وتىرعان جوق. بولاشاقتا بۇل ءىس ءارى قاراي جالعاسىن تاۋىپ، بولاشاقتا ايقىندالعان مالىمەتتەرمەن تولىقتىرىلىپ شىعارىلادى دەگەن جوسپار بار. جيناق قازاقستاننىڭ بارلىق ءىرى كىتاپحاناسىنا تەگىن تاراتىلادى. جاقىن كۇندەردە تۇساۋكەسەرى دە وتەدى.جيناق جازىلىپ جاتقان 7-تومدىق "قازاقستان تاريحى" اكادەميالىق باسىلىمدا كەڭىنەن پايدالىنادى»،-دەپ تولىقتىردى ينستيتۋت.
