اقتاۋ قالاسىنداعى №11 ليتسەيدە وقۋشىلار سىرتقى كيىم ىلىنگەن ورىنعا جاپپاي بەت الىپ، ءبىر-ءبىرىن تاپتاپ كەتە جازداعان، دەپ حابارلايدى «ادىرنا» ءتىلشىسى.
وقيعا 23 اقپاندا بولعان. ماڭعىستاۋ وبلىستىق ءبىلىم باسقارماسىنىڭ مالىمەتىنشە، 2-اۋىسىمنىڭ 6-ساباعى اياقتالعاننان كەيىن دالىزدە شامامەن ءۇش مينۋتقا سوزىلعان كەپتەلىس بولعان.
«بۇل ۋاقىتتا كەزەكشى مۇعالىمدەر مەن مەكتەپ اكىمشىلىگى تاراپىنان قاجەتتى باقىلاۋ ۇيىمداستىرىلدى. تەكسەرۋ دە وقۋشىلاردىڭ ءومىرى مەن دەنساۋلىعىنا قاۋىپ توندىرەتىن قۇقىق بۇزۋشىلىقتار نەمەسە جاعدايلار تىركەلمەگەنىن كورسەتتى. مەكتەپ اكىمشىلىگىنە قاۋىپسىزدىك شارالارىن كۇشەيتۋ تاپسىرىلدى»،-دەلىنگەن حابارلامادا.
وسىعان قاراماستان، وقۋ ورنى ديرەكتورىنا قاتىستى تارتىپتىك شارا قولدانىلعان. قازىرگى تاڭدا وقۋ پروتسەسى شتاتتىق رەجيمدە جالعاسىپ جاتىر.
