تۇركىستان وبلىسىنىڭ سارىاعاش اۋدانىنداعى ءبىر مەكتەپ مۇعالىمدەرى مەكتەپ ديرەكتورى تاراپىنان قىسىم كورسەتىلگەنى تۋرالى اقپارات تارادى، دەپ حابارلايدى "ادىرنا" ءتىلشىسى.
ۇستازدار ءتۇرلى سەبەپپەن اقشا جينالعانىن ايتىپ شاعىمداندى.
باق دەرەگىنشە، مەكتەپ ۇجىمى ءبىلىم بەرۋ ۇيىمىندا ءارتۇرلى قاجەتتىلىكتەرگە بايلانىستى مۇعالىمدەر مەن وقۋشىلاردىڭ اتا-انالارىنان بىرنەشە رەت اقشا جينالعانى تۋرالى شاعىمدانعان. سونىمەن قاتار پەداگوگتار باسشىلىق تاراپىنان پسيحولوگيالىق قىسىم بولعانىن جانە كەيبىر ارەكەتتەردى قىسىم رەتىندە قابىلداعانىن مالىمدەدى.
مۇعالىمدەر بىرقاتار بۇيرىقتىڭ ءتيىستى مەرزىمىنەن كەيىن راسىمدەلۋى مۇمكىن ەكەنىن دە العا تارتتى. ولاردىڭ سوزىنشە، بۇل جايتتاردى راستايتىن بانك اۋدارىمدارى، WhatsApp-تاعى حات الماسۋلاردىڭ سكرينشوتتارى، قۇجاتتاردىڭ كوشىرمەلەرى جانە باسقا دا ماتەريالدار بار.
مەكتەپ ۇجىمى قارجىلىق جاعدايعا جان-جاقتى اۋديت جۇرگىزىپ، قۇجاتتار مەن بۇيرىقتاردىڭ، سونداي-اق قىزمەتتىك شەشىمدەردىڭ زاڭدىلىعىن تەكسەرۋدى سۇرادى.
مۇعالىمدەردىڭ شاعىمىنا تۇركىستان وبلىسىنىڭ ءبىلىم باسقارماسى جاۋاپ بەردى. ۆەدومستۆو جاعدايدى انىقتاۋ ءۇشىن سارىاعاش اۋدانىنا ارنايى كوميسسيا جىبەرگەن. جاعداي تەكسەرىلىپ جاتىر.
