28 اقپاندا يران اۋە كەڭىستىگىنىڭ جابىلۋىنا جانە ايماقتاعى تۇراقسىز جاعدايعا بايلانىستى تاياۋ شىعىس باعىتىنداعى رەيستەر كەستەسىنە وزگەرىستەر ەنگىزىلدى، دەپ حابارلايدى "ادىرنا" ۇلتتىق پورتالى.
بۇل تۋرالى اۋە تاسىمالداۋشىلارى حابارلادى.
Air Astana مالىمەتىنشە، بىرقاتار رەيستەر ۇشۋ اۋەجايلارىنا كەرى قايتارىلدى. اتاپ ايتقاندا، الماتى – مەدينا (KC263), الماتى – دۋباي (KC897), الماتى – دوحا (KC653), استانا – دۋباي (KC205, KC207) باعىتىنداعى رەيستەر كەرى ورالدى.
سونىمەن قاتار، الماتى – دۋباي باعىتى بويىنشا KC899 رەيسى دەلي قالاسىنا باعىت وزگەرتكەن.
FlyArystan اۋە كومپانياسىنىڭ اقتاۋ – دۋباي باعىتىنداعى FS7617 رەيسى بالاما اۋەجايعا قوندىرىلعان.
كومپانيالار 28 اقپاننان باستاپ تاياۋ شىعىس ەلدەرىنە ۇشاتىن وزگە رەيستەردىڭ ۋاقىتشا توقتاتىلعانىن مالىمدەدى.
اۋە تاسىمالداۋشىلارى جولاۋشىلاردان رەيستەردىڭ ۇشۋ جانە كەلۋ ۋاقىتى وزگەرۋى مۇمكىن ەكەنىن ەسكەرىپ، ولاردىڭ مارتەبەسىن الدىن الا تەكسەرۋدى سۇرايدى.
سونداي-اق جولاۋشىلار دجيددا، مەدينا جانە دۋباي باعىتتارىنا الىنعان بيلەتتەردى 6 ناۋرىزعا دەيىن قايتا برونداپ نەمەسە تولىق قايتارۋعا مۇمكىندىك الادى.
