يزرايل قورعانىس كۇشتەرى (IDF) 5 تامىز كۇنى تۇستەن كەيىن پالەستينالىق حاماس يسلامدىق قوزعالىسى باسقاراتىن گازا سەكتورىنا شابۋىل جاسادى، دەپ حابارلايدى “ادىرنا” ءتىلشىسى.
Haaretz باسىلىمىنىڭ حابارلاۋىنشا، اۋە سوققىسى ناتيجەسىندە «يسلامدىق جيھاد» ۇيىمىنىڭ جوعارى لاۋازىمدى شەنەۋنىگى قازا تاپقان. ودان بولەك، تاعى جەتى ادام، ونىڭ ىشىندە بەس جاسار قىز قازا تاپتى.
يزرايل «تاڭ شاپاعى» وپەراتسياسىنىڭ باستالعانىن جاريالادى. ناتيجەسىندە قارۋلى كۇشتەر جاۋىنگەرلىك ۇشاقتار مەن ۇشقىشسىز ۇشاقتاردى پايدالانىپ، گازا سەكتورىنداعى التى اسكەري نىسانعا سوققى بەردى.
مۇنىڭ بارلىعى يسلامدىق جيھادتىڭ جاقىندا عانا قوزعالىستىڭ جوعارى لاۋازىمدى مۇشەسىنىڭ تۇتقىندالۋىنا جاۋاپ رەتىندە ءيزرايلدى بومبالايمىز دەپ قورقىتۋىمەن بايلانىستى.
ۆيدەولاردى تەلەگرام ارنامىزدان كورە الاسىز.
“ادىرنا” ۇلتتىق پورتالى
