تۇركيانىڭ ءسىم تاياۋ شىعىستاعى جاعدايدىڭ ۋشىعۋىنا بايلانىستى مالىمدەمە جاساپ، تاراپتاردى سابىرعا شاقىردى، دەپ حابارلايدى "ادىرنا" ۇلتتىق پورتالى.
ۆەدومستۆونىڭ حابارلاۋىنشا، يزرايل مەن اقش-تىڭ يران اۋماعىنا جاساعان سوققىلارىنان كەيىن باستالعان وقيعالار جانە تەگەراننىڭ جاۋاپ رەتىندەگى شابۋىلدارى ايماقتىڭ بولاشاعى مەن جاھاندىق تۇراقتىلىققا ەلەۋلى قاۋىپ توندىرەدى.
«حالىقارالىق قۇقىققا قايشى كەلەتىن جانە بەيبىت تۇرعىنداردىڭ ومىرىنە قاۋىپ توندىرەتىن كەز كەلگەن ارەكەتكە قاتتى الاڭدايمىز. زورلىق-زومبىلىقتىڭ ودان ءارى ۋشىعۋىنا اكەلۋى مۇمكىن ارانداتۋشىلىقتاردى ايىپتايمىز»، — دەلىنگەن رەسمي مالىمدەمەدە.
مينيسترلىك قاقتىعىسۋشى تاراپتاردى شابۋىلداردى مۇمكىندىگىنشە تەزىرەك توقتاتۋعا جانە جاعدايدى ديپلوماتيالىق جولمەن رەتتەۋگە شاقىردى.
سونداي-اق انكارا قاجەت بولعان جاعدايدا دەلدالدىق ميسسياسىن اتقارۋعا دايىن ەكەنىن ءبىلدىردى.
