حاماس-تىڭ قۇربانى بولعان قىزدى اتا-اناسى الەۋمەتتىك جەلىدە تاراعان ۆيدەو ارقىلى تانىعان، دەپ حابارلايدى "ادىرنا" ءتىلشىسى arbat.media-عا سىلتەمە جاساپ.
يزرايل مەن پالەستينا اراسىنداعى قاقتىعىستان زارداپ شەككەندەر قاتارى كوبەيۋدە. سونىڭ ىشىندە 20 جاستاعى بويجەتكەندەردىڭ دە حاماس توبىنىڭ ايلاسىنا ءتۇسىپ قالعانى بەلگىلى بولدى.
الەۋمەتتىك جەلىدە ادام ۇرلاۋ ۆيدەوسى تاراپ كەتكەننەن كەيىن شاني ەسىمدى قىز بالانى اتا-اناسى تانىپ قالعان.
ۇرلانعان قىز 20 جاستاعى شاني لۋك بولىپ شىقتى. ونى تاتۋيروۆكاسى مەن شاشىنان تانيتىن اتا-اناسى قىزىمەن سوڭعى ۋاقىتتا حابارلاسا الماعان. انىقتالعانداي، حاماس قۇربانى گازا سەكتورىمەن شەكاراعا جاقىن جەردە وتكەن Nature Party مۋزىكا فەستيۆالىنە قاتىسقان.
بەينەجازباعا قاراعاندا، قىزدى قاتتى سوققىعا جىققان ءارى كادرلاردان جابىرلەنۋشىنىڭ اياقتارى سىنعانىن كورۋگە بولادى. شانيدەن باسقا 10-نان استام قىز فەستيۆالدەن كەيىن جوق بولىپ كەتكەن.
ولاردىڭ اراسىندا ەليزاۆەتا پرۋدنيكوۆا ەسىمدى بويجەتكەن بار. سونىمەن قاتار، ۇرلانعان تاعى ءبىر قىزدى انىقتاۋ مۇمكىن بولدى، ول بەن-گۋريون نوا ارگامانيدىڭ ستۋدەنتى بولىپ شىقتى.
ەسكە سالايىق، 7 قازاندا قارۋلى توپتار گازا سەكتورىنان يزرايل اۋماعىنا باسىپ كىرگەن بولاتىن. يزرايل قورعانىس مينيسترلىگىنىڭ مالىمەتىنشە، شابۋىلدىڭ وشاعى سدەروت قالاسى بولعان.
الەۋمەتتىك جەلىدە تاراعان ۆيدەولاردا قارۋلى توپتاردىڭ پۋلەمەتپەن وق جاۋدىرىپ جاتقانى كورىنەدى.
