HAMAS-tyń qurbany bolǵan qyzdy ata-anasy áleýmettik jelide taraǵan vıdeo arqyly tanyǵan, dep habarlaıdy "Adyrna" tilshisi arbat.media-ǵa silteme jasap.
Izraıl men Palestına arasyndaǵy qaqtyǵystan zardap shekkender qatary kóbeıýde. Sonyń ishinde 20 jastaǵy boıjetkenderdiń de HAMAS tobynyń aılasyna túsip qalǵany belgili boldy.
Áleýmettik jelide adam urlaý vıdeosy tarap ketkennen keıin Shanı esimdi qyz balany ata-anasy tanyp qalǵan.
Urlanǵan qyz 20 jastaǵy Shanı Lýk bolyp shyqty. Ony tatýırovkasy men shashynan tanıtyn ata-anasy qyzymen sońǵy ýaqytta habarlasa almaǵan. Anyqtalǵandaı, HAMAS qurbany Gaza sektorymen shekaraǵa jaqyn jerde ótken Nature Party mýzyka festıvaline qatysqan.
Beınejazbaǵa qaraǵanda, qyzdy qatty soqqyǵa jyqqan ári kadrlardan jábirlenýshiniń aıaqtary synǵanyn kórýge bolady. Shanıden basqa 10-nan astam qyz festıvalden keıin joq bolyp ketken.
Olardyń arasynda Elızaveta Prýdnıkova esimdi boıjetken bar. Sonymen qatar, urlanǵan taǵy bir qyzdy anyqtaý múmkin boldy, ol Ben-Gýrıon Noa Argamanıdiń stýdenti bolyp shyqty.
Eske salaıyq, 7 qazanda qarýly toptar Gaza sektorynan Izraıl aýmaǵyna basyp kirgen bolatyn. Izraıl qorǵanys mınıstrliginiń málimetinshe, shabýyldyń oshaǵy Sderot qalasy bolǵan.
Áleýmettik jelide taraǵan vıdeolarda qarýly toptardyń pýlemetpen oq jaýdyryp jatqany kórinedi.
