اقش پرەزيدەنتى دونالد ترامپ جۇما كۇنى يرانعا ورمۋز بۇعازىن قايتا اشقانى ءۇشىن العىس ءبىلدىردى. بۇل تۋرالى ول Truth Social الەۋمەتتىك جەلىسىندە جازدى، دەپ حابارلايدى "ادىرنا".
«يران جاڭا عانا ءوز بۇعازىنىڭ تولىق اشىلعانىن جانە كەمەلەردىڭ ەركىن وتۋىنە دايىن ەكەنىن جاريالادى. راقمەت!» – دەپ جازدى اق ءۇي باسشىسى.
بۇعان دەيىن جۇما كۇنى يراننىڭ سىرتقى ىستەر ءمينيسترى ابباس اراكچي ليۆاندا اتىستى توقتاتۋ رەجيمىنىڭ كۇشىنە ەنۋىنىڭ ارقاسىندا ورمۋز بۇعازى ارقىلى كەمە قاتىناسى ءبىتىم كەزەڭىندە ەش كەدەرگىسىز جۇزەگە اساتىنىن مالىمدەدى.
وسىدان ءبىر كۇن بۇرىن ترامپ يزرايل مەن ليۆان بيلىگى ون كۇندىك اتىستى توقتاتۋ تۋرالى كەلىسىمگە كەلگەنىن حابارلاعان. بۇل كەلىسىم جۇماعا قاراعان ءتۇنى كۇشىنە ەندى.
ۇقساس جاڭالىقتار
