قاراعاندى قالاسىنىڭ مايقۇدىق شاعىناۋدانىنداعى كوپقاباتتى ۇيلەردىڭ بىرىندە كورشىلەر اراسىندا جانجال شىقتى، دەپ حابارلايدى "ادىرنا" ۇلتتىق پورتالى.
تۇرعىنداردىڭ ايتۋىنشا، ولار سپورتشى دانيار ەلەۋسىنوۆتىڭ جارىنىڭ شابۋىلىنا ۇشىراعان.
الايدا ايەل جاعدايدى تۇرمىستىق كيكىلجىڭ رەتىندە باعالايدى.
سپورتشىنىڭ جۇبايى كۇش كورسەتتى دەگەن ارىزدانۋشىلاردىڭ ءبىرى:
"ول الدىمەن بالاعات ءسوز ايتىپ، كەيىن مەنى ىشىمنەن ۇرىپ، شاشىمنان جۇلدى. شىنىن ايتقاندا، جانجالدىڭ نەدەن باستالعانىن ءوزىمىز دە تۇسىنبەي قالدىق", — دەدى.
دانيار ەلەۋسىنوۆتىڭ جۇبايى بولسا، بۇل جاعدايدى وزىنەن تاۋەلسىز، تۇرمىستىق سيپاتتاعى داۋ دەپ سانايدى. ونىڭ ايتۋىنشا، جانجال ەگدە جاستاعى تۋىسىنا قاتىستى ايتىلعان سوزدەردەن كەيىن تۋىنداعان، ال جاعدايدى ادەيى ۋشىقتىرعان دەپ ويلايدى.
قاراعاندى وبلىستىق پوليتسيا دەپارتامەنتى وقيعا بويىنشا قىلمىستىق ءىس تىركەلگەنىن حابارلادى. ۆەدومستۆو مالىمدەگەندەي، جابىرلەنۋشىلەر دەنساۋلىعىنا كەلتىرىلگەن زياننىڭ اۋىرلىعىن انىقتاۋ ءۇشىن سوت-مەديتسينالىق ساراپتامادان ءوتىپ، تەرگەۋ ارەكەتتەرى جۇرگىزىلۋدە. ساراپتاما قورىتىندىسى شىققان سوڭ زاڭعا سايكەس پروتسەسسۋالدىق شەشىم قابىلدانادى.
