وڭىردە قاراعاندى وبلىسىنىڭ پروكۋراتۋراسى باستاماشى بولعان «تازا سەنىم» جوباسى ىسكە قوسىلدى. جوبا «قۇقىقتىق ءتارتىپ اركىمنەن باستالادى» قاعيداتى اياسىندا جۇزەگە اسىرىلۋدا. بۇل باستاما ازاماتتاردىڭ وتىنىشتەرىن قاراۋ ساپاسىن ارتتىرۋعا باعىتتالعان جانە ىسكە تارتىلعان مەملەكەتتىك ورگاندارعا ادىستەمەلىك كومەك كورسەتۋدى كوزدەيتىن پراكتيكالىق سيپاتقا يە.
پيلوتتىق جوباعا بەس مەملەكەتتىك ورگان قاتىسۋدا: پوليتسيا، مەملەكەتتىك كىرىستەر دەپارتامەنتى، ادىلەت ورگاندارى، ءبىلىم بەرۋ جانە دەنساۋلىق ساقتاۋ باسقارمالارى. جوبانىڭ ۇيلەستىرۋشىسى رەتىندە قاراعاندى وبلىسى بويىنشا قۇقىقتىق ستاتيستيكا جانە ارنايى ەسەپكە الۋ كوميتەتى دەپارتامەنتى ايقىندالدى. سونىمەن قاتار جوبانى قولداۋعا پروكۋراتۋرا، قۇقىقتىق ستاتيستيكا ورگاندارى، اكىمدىك، مەملەكەتتىك قىزمەت، دەپۋتاتتار جانە كاسىپكەرلەر پالاتاسى تارتىلدى.
جوبا اياسىندا وقىتۋ ءىس-شارالارىن وتكىزۋ، ۆەدومستۆوارالىق ءوزارا ءىس-قيمىلدى دامىتۋ جانە ازاماتتاردىڭ وتىنىشتەرىن قاراۋ بارىسىنىڭ سەرپىنىن اي سايىن تالداۋ كوزدەلگەن.
جوبانىڭ نەگىزگى ماقساتى – حالىقتىڭ وتىنىشتەرىمەن جۇمىس ىستەۋ ساپاسىن ارتتىرۋ جانە ازاماتتاردىڭ مەملەكەتتىك ورگاندارعا دەگەن سەنىمىن نىعايتۋ.
