فوتو: Qov.kz
الەۋمەتتىك جەلىلەردە استانا كوشەلەرىندە ءجۇرىپ بارا جاتقان زەنيتتىك زىمىران كەشەنى تۇسىرىلگەن ۆيدەو تارادى. كادرلار جەلى قولدانۋشىلارى اراسىندا قىزۋ تالقىلاۋ تۋدىردى، دەپ حابارلايدى “ادىرنا” پورتالى Liter.kz سايتىنا سىلتەپ.
وقيعاعا قاتىستى قورعانىس مينيسترلىگى تۇسىنىكتەمە بەردى. ۆەدومستۆونىڭ مالىمەتىنشە، اسكەري تەحنيكانىڭ قالا كوشەلەرىمەن قوزعالىسى جوسپارلى جاۋىنگەرلىك دايىندىق شارالارىنىڭ ءبىر بولىگى.
مينيسترلىك وكىلدەرىنىڭ ايتۋىنشا، قازىرگى ۋاقىتتا اۋە شابۋىلىنا قارسى قورعانىس بولىمشەلەرى وقۋ-جاتتىعۋ وتكىزىپ جاتىر. ونىڭ بارىسىندا اسكەري تەحنيكانى باسقارۋ، جەدەل ورنالاستىرۋ جانە جاۋىنگەرلىك تاپسىرمالاردى ورىنداۋ داعدىلارى پىسىقتالادى.
قورعانىس مينيسترلىگى مۇنداي جاتتىعۋلار قارۋلى كۇشتەردىڭ بەكىتىلگەن دايىندىق جوسپارىنا سايكەس تۇراقتى تۇردە وتكىزىلەتىنىن اتاپ ءوتتى.
سونداي-اق ۆەدومستۆو باق پەن الەۋمەتتىك جەلى قولدانۋشىلارىن تەكسەرىلمەگەن اقپارات تاراتپاۋعا جانە تەك رەسمي دەرەككوزدەرگە سۇيەنۋگە شاقىردى.
