بەلارۋس پرەزيدەنتى الەكساندر لۋكاشەنكو ەلدەگى تۋ كورسەتكىشىنىڭ تومەندەۋىنە الاڭداۋشىلىق ءبىلدىرىپ، وزبەكستان ازاماتتارىن جۇمىس ىستەۋگە شاقىردى. بۇل تۋرالى Neحta جازدى، دەپ حابارلايدى "ادىرنا".
مالىمەت بويىنشا، بەلارۋس باسشىسى وزبەكستان ەلشىسىمەن كەزدەسۋ بارىسىندا وزبەك ەڭبەك ميگرانتتارىن قابىلداۋعا دايىن ەكەنىن ايتتى.
ونىڭ سوزىنشە، حالىق سانىنىڭ ءوسۋ قارقىنى وزبەكستانداعىداي جوعارى ەمەس. سوندىقتان بەلارۋستا ءومىر ءسۇرىپ، جۇمىس ىستەگىسى كەلەتىن ادامداردى قابىلداۋعا ءازىر.
لۋكاشەنكو اسىرەسە وتباسىمەن بىرگە كەلەتىن جۇمىسشىلاردى قولدايتىنىن اتاپ ءوتتى. ونىڭ ايتۋىنشا، بەلارۋسكە كەلگەن ازاماتتاردىڭ بالالارى بالاباقشا مەن مەكتەپكە بارۋ، ءبىلىم الۋ ماسەلەسىندە جەرگىلىكتى تۇرعىندارمەن تەڭ قۇقىققا يە بولادى.
سوڭعى جىلدارى بەلارۋس بيلىگى ەلدەگى كادر تاپشىلىعىن شەتەلدىك جۇمىس كۇشى ارقىلى شەشۋگە تىرىسىپ كەلەدى. بۇعان دەيىن لۋكاشەنكو پاكىستاننان ونداعان مىڭ جۇمىسشى تارتۋ جوسپارى تۋرالى ايتقان. الايدا ءىس جۇزىندە ەلگە كەلگەندەردىڭ سانى از بولعان.
