وزبەكستان تاياۋ شىعىستاعى جاعدايعا قاتىستى الاڭداۋشىلىق ءبىلدىردى، دەپ حابارلايدى "ادىرنا" ءتىلشىسى قازاقپاراتقا سىلتەپ.
يران مەن يزرايل اراسىنداعى جاعدايدىڭ شيەلەنىسۋى كوپتەگەن ەلدى الاڭداتتى.
«وزبەك تاراپى بارلىق تاراپتاردى ۇستامدىلىق تانىتۋعا، ودان ءارى اسكەري ءىس-قيمىلداردان باس تارتۋعا، سونداي-اق قاقتىعىستى ساياسي رەتتەۋ ءۇشىن تەز ارادا بارلىق مۇمكىن شارالاردى قابىلداۋعا شاقىرادى. بۇل ايماقتاعى شيەلەنىستىڭ ارتۋى اسا اۋىر زارداپتارعا جانە ءىرى اسكەري قاقتىعىستارعا اكەلۋى مۇمكىن دەپ سانايمىز»، - دەلىنگەن وزبەكستان سىرتقى ىستەر مينيسترلىگىنىڭ مالىمدەمەسىندە.
تاياۋ شىعىستاعى جاعدايدىڭ شيەلەنىسۋىنە قاتىستى قر سىرتقى ىستەر مينيسترلىگى دە مالىمدەمە جاساعان. قازاقستان تاراپتار اراسىنداعى كەلىسپەۋشىلىكتى تەك ساياسي-ديپلوماتيالىق جولمەن شەشۋگە ۇندەگەن ەدى.
