Ózbekstan Taıaý Shyǵystaǵy jaǵdaıǵa qatysty alańdaýshylyq bildirdi, dep habarlaıdy "Adyrna" tilshisi QazAqparatqa siltep.
Iran men Izraıl arasyndaǵy jaǵdaıdyń shıelenisýi kóptegen eldi alańdatty.
«Ózbek tarapy barlyq taraptardy ustamdylyq tanytýǵa, odan ári áskerı is-qımyldardan bas tartýǵa, sondaı-aq qaqtyǵysty saıası retteý úshin tez arada barlyq múmkin sharalardy qabyldaýǵa shaqyrady. Bul aımaqtaǵy shıelenistiń artýy asa aýyr zardaptarǵa jáne iri áskerı qaqtyǵystarǵa ákelýi múmkin dep sanaımyz», - delingen Ózbekstan Syrtqy ister mınıstrliginiń málimdemesinde.
Taıaý Shyǵystaǵy jaǵdaıdyń shıelenisýine qatysty QR Syrtqy ister mınıstrligi de málimdeme jasaǵan. Qazaqstan taraptar arasyndaǵy kelispeýshilikti tek saıası-dıplomatııalyq jolmen sheshýge úndegen edi.
