استانادا ماس كۇيدە كولىك جۇرگىزىپ، ادام قاعىپ ولتىرگەن ازامات 3 جىلعا سوتتالدى، دەپ حابارلايدى "ادىرنا".
سوتتالۋشى ماساڭ كۇيدە كولىك ايداپ كەلە جاتىپ، جول جيەگىندەگى جۇرگىنشىنى قاعىپ كەتكەن، جابىرلەنۋشى وقيعا ورنىندا كوز جۇمعان.
قىلمىستىق قۋدالاۋ ورگانى سوتتالۋشىنىڭ ارەكەتىن قازاقستان رەسپۋبليكاسى قىلمىستىق كودەكسىنىڭ 345-1-بابىنىڭ 3-بولىگى بويىنشا، ياعني اۆتوكولىكتى باسقارعان ادامنىڭ الكوگولدىك ماساڭ كۇيدە جول قوزعالىسى جانە كولىك قۇرالدارىن پايدالانۋ قاعيدالارىن بۇزۋى ابايسىزدا ادامنىڭ ولىمىنە اكەپ سوققان ارەكەت رەتىندە سارالاعان.
سوتتالۋشى ءوز كىناسىن تولىق مويىنداپ، جاساعان ىسىنە وكىنەتىنىن ءبىلدىرىپ، ەڭ تومەنگى جازا تاعايىنداۋدى سۇرادى. ونىڭ باستىعى جابىرلەنۋشى تاراپقا مورالدىق زياندى وتەۋ رەتىندە 12 ملن تەڭگە كولەمىندە وتەماقى تولەگەن.
سوت ايىپتالۋشىعا 3 جىل مەرزىمگە باس بوستاندىعىنان ايىرۋ جازاسىن جانە 10 جىل مەرزىمگە كولىك قۇرالدارىن باسقارۋ قۇقىعىنان ايىرۋ جازاسىن تاعايىندادى.
