قازاقستان 2026 جىلى مۇنايدى الەمدىك نارىقتارعا باكۋ–تبيليسي–جەيحان (بتج) مۇناي قۇبىرى ارقىلى 1,5 ملن-نان 2,2 ملن تونناعا دەيىن ەكسپورتتاۋدى جوسپارلاپ وتىر. بۇل تۋرالى جۋرناليستەرگە ەلدىڭ ەنەرگەتيكا ءمينيسترى ەرلان اقكەنجەنوۆ مالىمدەدى، دەپ حابارلايدى “ادىرنا”.
ءمينيستردىڭ ايتۋىنشا، بيىل قازاقستان ازەربايجانعا كەمىندە 1,5 ملن توننا، ال ەڭ جوعارى كولەمدە 2,2 ملن توننا مۇناي جەتكىزۋدى كوزدەپ وتىر. ونىڭ سوزىنشە، بۇل باعىت ارقىلى ەكسپورت كولەمىن ارتتىرۋ جۇمىستارى جالعاسۋدا.
سونىمەن قاتار، 2026 جىلى قازاقستاندا مۇناي ءوندىرۋ كولەمى شامامەن 96–98 ملن توننا دەڭگەيىندە بولادى دەپ جوسپارلانىپ وتىر.
ايتا كەتەيىك، 2025 جىلى قازاقستان باكۋ–تبيليسي–جەيحان مۇناي قۇبىرى ارقىلى 1,2 ملن توننا مۇناي ەكسپورتتاعان.
ۇقساس جاڭالىقتار
