استانادا وتكەن ءباسپاسوز كونفەرەنتسياسىندا قازاقستانداعى يران ەلشىسى ءالي اكبار دجوۋكار يراننىڭ يسلام رەۆوليۋتسياسى جەتەكشىسى بولىپ مودجتابا حامەنەي سايلانعاننان كەيىن ونىڭ ءالى كوپشىلىك الدىنا شىقپاعانىنا قاتىستى قويىلعان سۇراققا جاۋاپ بەردى، دەپ حابارلايدى "ادىرنا".
ەلشىنىڭ ايتۋىنشا، بۇل ماسەلەگە بايلانىستى ءارتۇرلى اقپاراتتار مەن قاۋەسەتتەر تارالۋدا. كەيبىر دەرەكتەردە ونىڭ وتباسىنا قاتىستى قاۋىپسىزدىك ماسەلەلەرى بولعانى جانە بەلگىلى ءبىر جاراقات العانى جونىندە مالىمەتتەر ايتىلعان. سونىمەن قاتار قازىرگى گەوساياسي جاعدايدى ەسكەرە وتىرىپ، اقش پەن سيونيستىك رەجيمنىڭ قارۋلى كۇشتەرى تاراپىنان وعان قارسى ىقتيمال قاۋىپتەر بولۋى مۇمكىن ەكەنىن دە جوققا شىعارۋعا بولمايدى.
وسىعان بايلانىستى قاۋىپسىزدىك شارالارى كۇشەيتىلگەن بولۋى مۇمكىن. دەگەنمەن ەلشى مودجتابا حامەنەيدىڭ العان جاراقاتى اسا اۋىر ەمەس ەكەنىن جانە بۇل جاعدايعا بايلانىستى ءتۇرلى الىپ-قاشپا اڭگىمەلەردىڭ تارالۋى مۇمكىن ەكەنىن اتاپ ءوتتى.
