رەسەي پرەزيدەنتىنىڭ ءباسپاسوز حاتشىسى دميتري پەسكوۆ يراننىڭ جاڭا كوشباسشىسى تۋرالى تاراعان اقپاراتقا قاتىستى پىكىر بىلدىرۋدەن باس تارتتى، دەپ حابارلايدى "ادىرنا" ۇلتتىق پورتالى Tass-قا سىلتەپ.
باق-تا اياتوللا مودجتابا حامەنەي ەم الۋ ءۇشىن رەسەيگە كەلگەنى جونىندە مالىمەت تاراعان. بۇل اقپاراتتى كۋۆەيتتىڭ «ال-دجاريدا» باسىلىمى دەرەككوزدەرگە سىلتەمە جاساپ جاريالاعان.
الايدا پەسكوۆ جۋرناليستەردىڭ سۇراعىنا:
«مۇنداي حابارلامالارعا ءبىز پىكىر بىلدىرمەيمىز»، – دەپ قىسقا جاۋاپ قايىردى.
بۇعان دەيىن يراننىڭ سىرتقى ىستەر مينيسترلىگى مودجتابا حامەنەي شابۋىلدار كەزىندە جاراقات العانىن، بىراق ونىڭ جاعدايى تۇراقتى ەكەنىن حابارلاعان.
ەسكە سالا كەتەيىك، يراندا جاعداي كۇردەلەنە تۇسكەن. اقش پەن يزرايل تاراپىنان جاسالعان شابۋىلدار سالدارىنان بۇرىنعى جوعارعى كوشباسشى ءالي حامەنەي قازا تاپقانى حابارلانعان.
