يزرايل يراننىڭ زىمىراندىق شابۋىلىنا جاۋاپ رەتىندە سوققى جاسادى. بۇل تۋرالى يزرايل قورعانىس ارمياسىنىڭ (تساحال) ءباسپاسوز قىزمەتى Telegram-ارناسىندا مالىمدەدى، دەپ حابارلايدى «ادىرنا» ءتىلشىسى.
ء«بىراز ۋاقىت بۇرىن يزرايل اسكەري-اۋە كۇشتەرى يراننىڭ باتىسى مەن ورتالىق بولىگىندەگى يراندىق تەرروريستىك رەجيمگە تيەسىلى اسكەري نىساندارعا سوققى بەردى»، – دەلىنگەن حابارلامادا.
تساحال وكىلدەرى وپەراتسياعا قاتىستى تولىق مالىمەت كەيىنىرەك جاريالاناتىنىن ايتتى.
يراننىڭ مەملەكەتتىك IRIB تەلەراديو كومپانياسىنىڭ حابارلاۋىنشا، تەگەران، تەبريز جانە يسفاحان قالالارىندا جارىلىستاردىڭ داۋىسى ەستىلگەن.
بۇعان دەيىن يران يزرايلگە قارسى زىمىراندىق شابۋىلدارىن قايتا باستاعان ەدى. وعان تساحال-دىڭ بەيرۋت ماڭىنداعى داحيا اۋدانىندا ورنالاسقان حەزبوللا ينفراقۇرىلىم نىسانىنا جاساعان سوققىسى سەبەپ بولعان.
يزرايل مەن اقش 28 اقپاندا يرانعا قارسى اسكەري ارەكەتتەر باستاپ، اياتوللا ءالي حامەنەيدىڭ كوزىن جويعان. اۋەدەن بۇل قاقتىعىس 40 كۇندەي ۋاقىتقا سوزىلىپ، 8 ساۋىردە تاراپتار وق اتپاۋ تۋرالى بىتىمگە كەلگەن بولاتىن.
