تۇركيادا «اتىراۋلىق حاكەر» ەسىمىمەن تانىمال كۇدىكتى ۇستالدى، دەپ حابارلايدى “ادىرنا” ۇلتتىق پورتالى.
الەۋمەتتىك جەلىلەردە «اتىراۋلىق حاكەر» دەگەن لاقاپ اتپەن تانىلعان اتىراۋ وبلىسىنىڭ تۋماسى تۇركيادا قولعا ءتۇستى. سامسۋن قالاسىنداعى وپەراتسيانى ينتەرپول قىزمەتكەرلەرى جۇرگىزدى.
بۇعان دەيىن پوليتسيا دەپارتامەنتى بۇل ازاماتتىڭ بىرنەشە الاياقتىق دەرەگى بويىنشا كۇدىكتى ەكەنىن حابارلاعان.
ءىس قوزعالىپ، قاڭتار ايىندا اتىراۋ قالاسىنىڭ مامانداندىرىلعان تەرگەۋ سوتى ونى سىرتتاي قاماۋعا الۋ تۋرالى شەشىم شىعارعان. وسىدان كەيىن ول حالىقارالىق ىزدەۋگە جاريالاندى.
«اقپان ايىندا ول تۇركيانىڭ سامسۋن قالاسىندا ۇستالدى. قازىرگى ۋاقىتتا قازاقستاننىڭ باس پروكۋراتۋراسى كۇدىكتىنى ەكستراديتسيالاۋ (قايتارۋ) تۋرالى سۇرانىس دايىنداۋ ءۇشىن قولداۋحات جولدادى»، — دەپ حابارلادى وبلىستىق پروكۋراتۋرا.
بۇل ازامات اتىراۋ وبلىسىندا ءبىر وتباسىنىڭ جۇمباق جاعدايدا جوعالىپ كەتۋىنە قاتىستى وقيعادان كەيىن جەلىدە كەڭىنەن تانىلدى. ول ءوزىن «حاكەر» دەپ تانىستىرىپ، جوعالعان ادامدارعا قاتىستى «جەكە تەرگەۋ» جۇرگىزگەنىن مالىمدەگەن ۆيدەولارىمەن تانىمال بولعان.
