اتىراۋ اۋرۋحانالارىنىڭ بىرىندە ءوت قابىن الۋعا جاسالعان وتادان كەيىن ويانعان ناۋقاستىڭ ارقاسى كۇيىپ قالعان، دەپ حابارلايدى “ادىرنا” ۇلتتىق پورتالى "موي گورود" پورتالىنا سىلتەپ.
وتا ناركوزبەن جاسالعان. ايەل ويانعان سوڭ ارقاسىن كۇيىك شالعانىن بايقاعان.
"وتا ءىش ماڭايىندا جاسالدى، وتادان كەيىن مەنىڭ دەمالۋىم كەرەك. بىراق ارقامدى كۇيىك شالۋىنا بايلانىستى ءبىر قىرمەن جاتۋعا ءماجبۇرمىن. سولاي جاتقاندىقتان ءىشىم اۋىرادى، تىنىعۋ مۇمكىن ەمەس", - دەپ شاعىمداندى ناۋقاس.
ناۋقاسقا ارقاسىنىڭ قالاي كۇيىپ قالعانىن ەشكىم تۇسىندىرە المادى.
ايتۋىنشا، بۇل جاعداي مەيىربيكەنىڭ نەمقۇرايلىلىعىنان بولعان. مەتالل تاقتايشانى ۋاقىتىندا الماۋىنان نەمەسە دۇرىس قويماۋىنان بولۋى مۇمكىن.
”ادىرنا” ۇلتتىق پوراتالى
