15 ناۋرىزدا، رەسپۋبليكالىق رەفەرەندۋم وتكەن كۇنى، ەلدىڭ مەديتسينالىق ۇيىمدارىندا 585 نارەستە دۇنيەگە كەلدى. ءبىر تاۋلىكتىڭ ىشىندە بارلىعى 583 بوسانۋ قابىلداندى، ونىڭ ىشىندە اقتوبە جانە تۇركىستان وبلىستارىندا 2 ەگىز تىركەلدى، دەپ حابارلايدى "ادىرنا" ۇلتتىق پورتادى astana-akshamy.kz سايتىنا سىلتەپ.
جاڭا تۋعان نارەستەلەردىڭ ىشىندە 310 ۇل جانە 275 قىز بار.
ەلىمىزدىڭ بارلىق وڭىرلەرىندە مەديتسينا قىزمەتكەرلەرى انالار مەن جاڭا تۋعان نارەستەلەرگە ۋاقتىلى ءارى ساپالى مەديتسينالىق كومەك كورسەتىپ، جوعارى بىلىكتىلىك پەن جاۋاپكەرشىلىكتىڭ ۇلگىسىن كورسەتتى.
ايتا كەتسەك، بۇعان دەيىن اقتاۋدا قالالىق اۋرۋحانا پەرزەنتحاناسىندا دۇنيەگە كەلگەن ۇل بالاعا اتا-اناسى ەرەكشە ەسىم بەرىپ، رەسپۋبليكالىق رەفەرەندۋم قۇرمەتىنە اتا-زاڭ دەپ اتاعانىن حابارلادىق.
دارىگەرلەردىڭ ايتۋىنشا، انا مەن بالانىڭ جاعدايى جاقسى. اتا-انا بۇل ەسىمدى كونستيتۋتسياعا قۇرمەتتىڭ بەلگىسى رەتىندە جانە ەلدە ءوتىپ جاتقان رەسپۋبليكالىق رەفەرەندۋمنىڭ ەستەلىگى رەتىندە تاڭداعاندارىن ايتقان.
