مەملەكەت باسشىسى قاسىم-جومارت توقاەۆ قازاقستان رەسپۋبليكاسىنىڭ كونستيتۋتسياسىنا جانە «2026 جىلعى 15 ناۋرىزدا قابىلدانعان قازاقستان رەسپۋبليكاسىنىڭ كونستيتۋتسياسىن ىسكە اسىرۋ جونىندەگى شارالار تۋرالى» جارلىققا قول قويدى، دەپ حابارلايدى "ادىرنا" ۇلتتىق پورتالى.
جارلىققا سايكەس، 2026 جىلعى 15 ناۋرىزداعى رەسپۋبليكالىق رەفەرەندۋمدا قابىلدانعان كونستيتۋتسيا ءماتىنى «ەگەمەن قازاقستان» جانە «كازاحستانسكايا پراۆدا» باسىلىمدارىندا جاريالانادى. 1995 جىلعى كونستيتۋتسيانىڭ تۇپنۇسقاسى پرەزيدەنتتىڭ ارحيۆىندە ساقتالادى.
ورتالىق رەفەرەندۋم كوميسسياسى كونستيتۋتسيا ءماتىنىن نورماتيۆتىك قۇقىقتىق اكتىلەردىڭ ەتالوندىق باقىلاۋ بانكىنە ەنگىزۋ ءۇشىن ادىلەت مينيسترلىگىنە جىبەرەدى.
پرەزيدەنت جانە ۇكىمەت زاڭ شىعارۋ باستاماسىمەن پارلامەنتكە بىرنەشە كونستيتۋتسيالىق زاڭ جوبالارىن ەنگىزەتىن بولادى. ولار «پرەزيدەنت تۋرالى»، «قازاقستان حالىق كەڭەسى تۋرالى»، «استانانىڭ مارتەبەسى تۋرالى» جانە «اكىمشىلىك-اۋماقتىق قۇرىلىس تۋرالى» جوبالارى بولماق.
ۇكىمەت جانە مەملەكەتتىك ورگاندار نورماتيۆتىك قۇقىقتىق اكتىلەردى كونستيتۋتسياعا سايكەس كەلتىرۋ شارالارىن جۇزەگە اسىرادى.
كونستيتۋتسيانى ىلگەرىلەتۋ جونىندەگى جوسپار 2026 جىلعى 7 ساۋىرگە دەيىن بەكىتىلەدى.
جارلىق قول قويىلعان كۇنىنەن باستاپ قولدانىسقا ەنەدى.
