بۇگىن وبلىس اكىمدىگىندە كونستيتۋتسيالىق رەفورمالار تالقىعا سالىنعان جيىن ءوتتى. وعان شقو اكىمى نۇرىمبەت ساقتاعانوۆ قاتىستى.
«مەملەكەت باسشىسى قاسىم-جومارت كەمەلۇلى توقاەۆتىڭ جارلىعىمەن كونستيتۋتسيالىق رەفورما جونىندەگى كوميسسيا قۇرىلىپ، وعان 130 ادام كىرگەن بولاتىن. ولاردىڭ قاتارىندا جەرلەستەرىمىز - وبلىستىق ءماسليحات توراعاسى دەنيس رىپاكوۆ پەن قوعامدىق كەڭەس توراعاسى اياۋجان ءاشىموۆا دا بار. اتا زاڭعا وزگەرىس ەنگىزۋ - مەملەكەت نەگىزىنە جانە قوعامدىق كەلىسىمگە تىكەلەي قاتىستى ماڭىزدى ماسەلە. سوندىقتان جيىن جابىق «تار شەڭبەردە» ەمەس، اشىق ءارى جاريا فورماتتا ءوتتى»، - دەدى ايماق باسشىسى.
ونىڭ ايتۋىنشا، جاڭا كونستيتۋتسيا جوباسى - قوعامنىڭ سۇرانىسى مەن زامان تالاپتارىنا ساي ازىرلەنگەن، مەملەكەتتىڭ قۇقىقتىق نەگىزدەرىن جاڭعىرتۋعا باعىتتالعان، جاڭا مازمۇن مەن ماعىناعا يە ماڭىزدى قۇجات. اتا زاڭدا قازاقستاننىڭ دەموكراتيالىق، زايىرلى، قۇقىقتىق جانە الەۋمەتتىك مەملەكەت ەكەنى ناقتى بەكىتىلگەن. ۇسىنىلىپ وتىرعان جوبادا كىرىسپە، 11 ءبولىم جانە 95 باپ بار.
جيىن بارىسىندا وبلىستىق ءماسليحات توراعاسى دەنيس رىپاكوۆ جاڭا كونستيتۋتسيا جوباسىنىڭ كەي باپتارىنا توقتالىپ ءوتتى. ال وڭىرلىك قوعامدىق كەڭەس توراعاسى اياۋجان ءاشىموۆا كونستيتۋتسيالىق كوميسسيا قىزمەتىنىڭ اشىقتىعىن ارتتىرۋ ءۇشىن ءتيىستى شارالار قابىلدانعانىن جەتكىزدى.
«كونستيتۋتسيالىق كوميسسيا بارلىق تۇسكەن ۇسىنىستار مەن تالقىلاۋلار نەگىزىندە ءوزارا كەلىسىلگەن جانە كونستيتۋتسيا ماتىنىنە ەنگىزىلگەن تۇزەتۋلەردىڭ جيناقتالعان جوباسىن دايىندادى. 77 باپقا تۇزەتۋ ەنگىزىلدى، بۇل كونستيتۋتسيا ءماتىنىنىڭ 84 پايىزىن قۇرايدى. وسىلايشا وزگەرىستەر مەن تولىقتىرۋلار نەگىزگى زاڭنىڭ بارلىق ءبولىمىن قامتىدى»، - دەدى ول.
جينالىس سوڭىندا نۇرىمبەت ساقتاعانوۆ وتانىمىزدى كوركەيتۋ، زاڭ مەن ءتارتىپ ۇستەمدىك قۇرعان، ادىلەتتى، قاۋىپسىز ءارى تازا قازاقستاندى قۇرۋ - بارشامىزعا ورتاق مىندەت ەكەنىن ايتتى.
