ەلىمىزدە كونستيتۋتسيانىڭ 30 جىلدىعىنا وراي جاريالانعان راقىمشىلىق جاساۋ كەزەڭى اياقتالدى. بۇل تۋرالى 1 قازاندا ىشكى ىستەر ءمينيسترىنىڭ ورىنباسارى سانجار ءادىلوۆ ايتتى، دەپ حابارلايدى «ادىرنا» ءتىلشىسى.
ء«بىز بۇل جۇمىستى اياقتادىق. بوستاندىققا تەك قاماۋداعىلار عانا ەمەس، سونداي-اق قىلمىستىق قۋدالاۋ اياسىندا بولعان، بىراق جەڭىل جانە ورتاشا اۋىرلىقتاعى، ماتەريالدىق زيان كەلتىرمەگەن قىلمىستار جاساعان ازاماتتار دا شىقتى»، – دەدى ءادىلوۆ ءماجىلىس كۋلۋارىندا.
ول امنيستياعا ىلىككەندەردىڭ ناقتى سانى مەن ولاردىڭ قانداي قىلمىستار ءۇشىن جازا وتەگەنى تۋرالى تولىق اقپاراتتى كەيىن بەرۋگە ۋادە ەتتى. سونىمەن قاتار ىشكى ىستەر ءمينيسترىنىڭ ورىنباسارى بوستاندىققا شىققانداردىڭ بارلىعى پروباتسيالىق باقىلاۋدا بولاتىنىن، بۇل مىندەت اكىمشىلىك پوليتسياعا جۇكتەلگەنىن اتاپ ءوتتى.
ايتا كەتەيىك، 2025 جىلدىڭ ماۋسىم ايىندا پرەزيدەنت قاسىم-جومارت توقاەۆ امنيستيا تۋرالى زاڭعا قول قويعان بولاتىن. بۇعان دەيىن راقىمشىلىق 15 مىڭنان استام سوتتالعان ادامعا جاسالىناتىنى ايتىلعان.
