فوتو: دسم
الماتىداعى دارىگەرلەر جاسى جەتپىسكە تاياعان اجەنىڭ ىشىنەن سالماعى 25 كەلىدەن اساتان قاتەرلى ىسىكتى الۋ ءۇشىن ۇزاق وتا جاساعان. دەنساۋلىق ساقتاۋ مينيسترلىگىنىڭ ءباسپاسوز قىزمەتى ىسىكتىڭ سۋرەتىن كورسەتىپ، دەر كەزىندە دارىگەرگە بارماۋدىڭ سالدارى قانداي بولاتىنىن ەسكەرتكەن، دەپ حابارلايدى "ادىرنا".
«دارىگەرلەر ناۋقاستىڭ ءومىرىن ساقتاۋ ءۇشىن بىرەگەي وتا جاسادى. ناۋقاستىڭ ىشىندە بىرنەشە ايدان بەرى ىسىك ءوسىپ جاتقان. سىرتقى كوزگە قاراعاندا اياعى اۋىر ايەل سياقتى كورىنگەن. سالماعى شامامەن 25 كەلى بولاتىن ىسىك بىرنەشە ايدان بەرى ءوسىپ جاتسا دا ايەل مەديتسينالىق كومەككە جۇگىنبەگەن جانە ءداستۇرلى ەمەس ادىستەرمەن ەمدەلگەن»، - دەپ حابارلايدى دەنساۋلىق ساقتاۋ مينيسترلىگى.
دسم-نىڭ مالىمەتىنە سۇيەنسەك، 1957 جىلى تۋعان ناۋقاس شامامەن التى اپتادان ەكى اي ارالاعىندا اۋىرعان.
«وسى ۋاقىت ىشىندە ول جاقسارۋعا ۇمىتتەنىپ، ءارتۇرلى تاعامعا قوسىلاتىن بيولوگيالىق بەلسەندى قوسپالاردى قابىلداعان. الايدا، ەشقانداي ناتيجە بولماعان - ىسىك تەز وسە بەرگەن. كەيىنىرەك تۋىستارى ايتقانداي، ايەل ءوز جاعدايىن جاسىرىپ، ءتىپتى قوسپالاردى ساتىپ الۋ ءۇشىن نەسيە العان. تەك جاعدايى ناشارلاعاننان كەيىن عانا ناۋقاس الماتى ونكولوگيالىق ورتالىعىنا ونكوحيرۋرگيا ءبولىمىنىڭ مەڭگەرۋشىسى نۇرلان بالتاەۆقا قارالدى. كومپيۋتەرلىك توموگرافيانى قوسا العاندا، تەكسەرۋ كەزىندە ءىش قۋىسى مەن جامباس قۋىسىندا الىپ ىسىك انىقتالدى. ىسىك 35 سانتيمەتردى قۇراپ، ءىش قۋىسىن تولىعىمەن تولتىرىپ، جامباس قۋىسىنا دەيىن سوزىلعان»، - دەپ حابارلايدى دەنساۋلىق ساقتاۋ مينيسترلىگى.
دارىگەرلەر شامامەن 2,5 ساعات ىشىندە وتا جاساپ، ىشپەردە ارتىنداعى ىسىكتى ارەڭ العان. وتانى ونكوحيرۋرگيا ءبولىمىنىڭ مەڭگەرۋشىسى نۇرلان بالتاەۆ جانە ونىڭ كومەكشىسى عالىم سارماش جاساعان.
«الىنعان ىسىكتىڭ سالماعى شامامەن 25 كيلوگراممدى قۇرادى. دارىگەرلەر ايەلدىڭ دياگنوزىن، ياعني، قاتەرلى ىسىكتى راستادى. قازىر ناۋقاس حيميوتەراپيادان ءوتىپ جاتىر»، - دەپ حابارلايدى دسم.
