Air Canada اۋە كومپانياسىنا تيەسىلى Bombardier CRJ-900 لاينەرى لا-گۋارديا اۋەجايىندا ۇشاق ءورت ءسوندىرۋ كولىگىمەن سوقتىعىستى، دەپ حابارلايدى "ادىرنا" ۇلتتىق پورتالى.
وقيعا ۇشاقتىڭ اۋەجايعا قونۋ كەزىندە بولعان.
The New York Post مالىمەتىنشە، كەمىندە ەكى ءورت ءسوندىرۋشى اۋىر جاراقات العان. سونداي-اق، باق-تا ەكى ۇشقىشتىڭ قازا تاپقانى تۋرالى اقپارات تارادى.
ۇشاق بورتىندا شامامەن 100 جولاۋشى بولعان. بارلىعى ەۆاكۋاتسيالانعان، الايدا جولاۋشىلار اراسىندا زارداپ شەككەندەردىڭ بار-جوعى ازىرگە ناقتىلانبادى.
وقيعا ورنىنان تۇسىرىلگەن سۋرەتتەردە ۇشاقتىڭ الدىڭعى بولىگى قاتتى زاقىمدانعانى كورىنەدى. سوقتىعىس ۇشۋ-قونۋ جولاعىندا نوسەر جاڭبىر جاۋىپ، كورىنۋ دەڭگەيى تومەندەگەن كەزدە بولعان.
اپاتتان كەيىن اۋەجاي ۋاقىتشا جابىلىپ، كەلەتىن رەيستەر باسقا اۋەجايلارعا باعىتتالدى. الدىن الا مالىمەت بويىنشا، لا-گۋارديا اۋەجايى جەرگىلىكتى ۋاقىتپەن 18:00-دە قايتا اشىلۋى مۇمكىن.
