بەلگىلى ءانشى ديماش قۇدايبەرگەننىڭ ورىنداۋىنداعى «Love’s Not Over Yet» ءانى پولشانىڭ Radio Olsztyn حيت-پارادىندا 52 اپتا قاتارىنان ءبىرىنشى ورىندى يەلەنىپ وتىر، دەپ حابارلايدى «ادىرنا» ءتىلشىسى dimashnews-كە سىلتەمە جاساپ.
“وسى كەزەڭ ىشىندە كومپوزيتسيا تەك ءبىر رەت قانا كوشباسشىلىقتى ۋاقىتشا جوعالتىپ، ءبىر اپتاعا ەكىنشى ورىنعا ءتۇسىپ قالىپ، كەيىن قايتا رەيتينگتىڭ جوعارعى ساتىسىنا ورالعان. چارتتىڭ شىڭىندا ۇزاق ۋاقىت بويى تۇراقتاۋى ءساتتى تۋىندى بولۋىنان عانا ەمەس، سونىمەن قاتار پولشا تىڭدارماندارى تاراپىنان كورسەتىلگەن ايرىقشا قولداۋدى دا ايعاقتايدى",- دەلىنگەن حابارلامادا.
حيت-پاراد ارحيۆىندەگى «1. Bez zmian. 52 tydzień na liście» دەگەن اتاۋ «1. وزگەرىسسىز. تىزىمدەگى 52-اپتا» دەپ اۋدارىلادى. بۇل كومپوزيتسيانىڭ رەيتينگتىڭ ەڭ جوعارى ساتىسىندا رەكوردتىق مەرزىم بويى تۇرعانىن دالەلدەيدى.
