پراگا قالاسىندا ورنالاسقان رەسەي عىلىم جانە مادەنيەت ورتالىعى عيماراتىنا بەلگىسىز ادامدار شابۋىل جاسادى، دەپ حابارلايدى "ادىرنا" ۇلتتىق پورتالى.
چەش پوليتسياسىنىڭ مالىمەتىنشە، شابۋىل 26 ناۋرىز كۇنى كەشكى ۋاقىتتا جۇزەگە اسقان جانە عيماراتقا جەڭىل زاقىم كەلگەن. قازىرگى ۋاقىتتا قىلمىستىق ءىس قوزعالىپ، شابۋىل جاساعاندار ىزدەستىرىلۋدە.
يگور گيرەنكو حابارلاعانداي، شابۋىلشىلار التى بوتەلكە وتتى قوسپا لاقتىرعان. ۇشەۋى عيمارات ىشىندەگى كىتاپحاناعا تۇسكەنىمەن جارىلماعان، ال قالعاندارىنىڭ سالدارىنان ءورت شىققان. سونداي-اق، عيماراتتىڭ تەرەزەلەرى سىنعان.
گيرەنكو شابۋىلدىڭ 27 ناۋرىزعا جوسپارلانعان رەسەي مادەنيەتى كۇندەرىنىڭ سوڭعى ءىس-شاراسىنا بايلانىستى جاسالعان دەپ بولجايدى. الايدا ول ناقتى كۇدىكتىلەردى اتاعان جوق جانە چەح قۇقىق قورعاۋ ورگاندارىنا جەدەل ارەكەتتەرى ءۇشىن العىسىن ءبىلدىردى.
